Kari Traa
I denne oppgåva har eg utforma og presentert eit skisseprosjekt for sportsaktøren Kari Traa. Vi besøkte hovudkontoret til Active Brands og fekk innføring merkevara sin identitet og bakgrunn. Oppgåva innebar å "brande" Kari Traa på ein ny og unik måte og samstundes selje mest mogleg varer. Butikken skulle utformast som ein shop-in-shop, ein større butikk der merkevarene er samla etter brand. Her var det viktig å fokusere på identiteten til Kari Traa, samt produktplassering og eksponering av varer. Det var åtte varegrupper som skulle eksponerast innan eit areal på 25 - 50 kvm. I tillegg skulle ein designe ein kassadisk som skulle supplere konseptet om det blei utvida til å bli ein sjølvstendig butikk. Ellers var viktige kriterium frå oppdargsgiver at butikken enkelt og effektivt skulle kunne "rullast ut" og vere praktisk handterbar, ha fysiske veggelement, vere kostnadseffektiv, vere feminin, vere berekraftig og passe til målgruppa 18 - 25 år.
“Urban playground” er eit konsept som speglar ein urban og aktiv livsstil. Konseptet byggjer på “Kari Traa-jenta” som beskrivast som positiv og sprudlande. Konspetet skal uttrykke ei morosam og sporty atmosfære, som appelerar til unge jenter. Kari Traa’s shop-in-shop skal vere ein arena som står i kontrast til den travle og krevjande kvardagen, og er ei påminning om at leik og moro er viktig! Konseptet skal bygge opp under visjonen om ein “happier, healthier and stronger lifestyle”. Det urbane skal bidra til at varene og merkenamnet blir satt inn i ein kvardagsleg, byprega og internasjonal setting, og er inspirert av “urban training.
Du finn meir om prosjektet på http://www.saraodven.com/kari-traa/
